ԵՐԵՎԱՆ, 21 մարտի – Sputnik. Ուկրաինական անօդաչու սարքը գնդակոծել է ՌԴ Բրյանսկի մարզի Կլիմովո բնակավայրը։ Տեղեկությունը հայտնել է նահանգապետ Ալեքսանդր Բոգոմազը։
Նրա խոսքով՝ դրոնի հարձակման հետևանքով հինգ տուն է վնասվել, գյուղի բնակիչներից ոչ ոք չի տուժել:
Ավելի վաղ նահանգապետը հայտնել էր ուկրաինական անօդաչու սարքի կողմից «Նովոզիբկով» նավթավերամշակման կայանի տարածքի վրա կատարած հարձակման մասին, տուժածներ չկան:
Այս պահին տեղում աշխատում են բոլոր օպերատիվ ծառայությունները։
Ուկրաինացի զինվորականները անօդաչու թռչող սարքերի օգնությամբ բազմիցս հարձակում են իրականացրել Բրյանսկի շրջանի տարածքի վրա՝ Կլիմովսկի, Սուրաժսկի, Բրյանսկի շրջաններ։ Փետրվարի սկզբին ՌԴ ԶՈւ ՀՕՊ համակարգերը հետ են մղել միանգամից ինը թռչող սարքերի հարձակումը Ստարոդուբսկի շրջանի տարածքում, լուրջ հետևանքներից հնարավոր եղավ խուսափել։ Մարտի սկզբին նման հարձակման հետևանքով մարզի Կլիմովսկի շրջանի Սուշանի գյուղում բնակելի տուն է այրվել։