ԵՐԵՎԱՆ,19 մարտի – Sputnik. Բուխարեստում անցկացվող Եվրոպայի Մ23 առաջնության մրցումային վերջին օրը 61 կգ քաշային կարգում Մեժլում Մեժլումյանը եզրափակիչում 0։10 հաշվով պարտվեց ուկրաինացի Անդրեյ Ջելեպին և վաստակեց արծաթե մեդալ։
Մեժլում Մեժլումյանը Եվրոպայի առաջնությունում իր մեկնարկային գոտեմարտն անցկացրեց որակավորման փուլում, որտեղ 10։0 հաշվով առավելության հասավ Ֆրանսիան ներկայացնող Ադամ Բիբուլատովի նկատմամբ։ Նույն՝ 10։0 հաշվով հայ ըմբիշը քառորդ եզրափակիչում պարտության մատնեց մոլդովացի Դանիել Ռիտերին։ Կիսաեզրափակիչում մեր ըմբիշին դժվարին դիմակայություն էր սպասվում իտալացի Սիմոնե Պիրոդուի դեմ։ Ծանրագույն պայքարում Մեժլումյանը հաղթանակի հասավ 6։5 հաշվով։
Այսօր ավելի ուժ եզրափակիչ գոտմարտ է անցկացնելու Կնյազ Իբոյանը։ 86 կգ քաշային կարգում ոսկե մեդալը հայ ըմբիշը վիճարկելու է Ֆրանսիան ներկայացնող Ռահիմ Մագոմադովի հետ։ Իսկ 92 կգ քաշային կարգում Սերգեյ Սարգսյանը բրոնզե մեդալի համար գոտեմարտելու է ադրբեջանցի Աբդուլջալիլ Շաբանովի հետ։
Հիշեցնենք, որ մինչև 23 տարեկան ազատ ոճի ըմբաշամարտի Հայաստանի հավաքականն արդեն ունի երկու մեդալ՝ 70 կգ քաշային կարգում արծաթե մեդալակիր է դարձել Հայկ Պապիկյանը և բրոնզե մեդալ է վաստակել 57 կգ քաշային Էդիկ Հարությունյանը։