ՀՀ փոխվարչապետը հանդիպել է Եկատերինբուրգի քաղաքապետի հետ

ԵՐԵՎԱՆ, 17 մարտի - Sputnik. Փոխվարչապետ Մհեր Գրիգորյանն ու Եկատերինբուրգի քաղաքապետ Ալեքսեյ Օռլովը քննարկել են համագործակցության երկկողմ հետաքրքրություն ներկայացնող մի շարք հարցեր: Այս մասին հայտնում է ՀՀ կառավարության մամուլի ծառայությունը։

Հանդիպման ընթացքում քննարկվել են ՀՀ– ՌԴ միջև առկա համագործակցությանն առնչվող, այդ թվում` միջտարածաշրջանային ապակենտրոնացված փոխգործակցության հարցեր։

ՀՀ փոխվարչապետն ու Եկատերինբուրգի քաղաքապետը խոսել են նաև առևտրատնտեսական, գիտատեխնիկական հարաբերությունների զարգացման, ինչպես նաև քաղաքաշինության ոլորտում համագործակցության հեռանկարների մասին: