Նիկոլ Փաշինյանն ու Աննա Հակոբյանն այցելել են Մեծամորի պատմահնագիտական արգելոց-թանգարան

ԵՐԵՎԱՆ, 12 մարտի - Sputnik. ՀՀ վարչապետ Նիկոլ Փաշինյանն ու նրա կինը՝ Աննա Հակոբյանը այցելել են Մեծամորի պատմահնագիտական արգելոց-թանգարան։

Այս մասին հայտնում է Աննա Հակոբյանն իր ֆեյսբուքյան էջում։

«Այսօր այցելեցինք Մեծամորի պատմահնագիտական արգելոց-թանգարան։ Անպայման այցելեք՝ առավել ևս, եթե չեք եղել։ Կտեսնեք, օրինակ, 4 հազար, 5 հազար տարի առաջ ստեղծված և մեր հողում պահպանված ոսկյա զարդեր, զենքեր, դամբարանում հայտնաբերված տղամարդու ոսկորներ՝ մոտ 4 հազար տարեկան։ Կլսեք չափազանց հետաքրքիր փաստական տվյալներ»,-նշված է գրառման մեջ։