Իրանի ԱԳ նախարարն Անկարա է մեկնել` ցավակցելու թուրք ժողովրդին

ԵՐԵՎԱՆ, 8 մարտի – Sputnik. Իրանի ԱԳ նախարար Հոսեյն Ամիր Աբդոլլահիանը մեկնել է Անկարա։ Տեղեկությունը հայտնում է իրանական Tasnim գործակալությունը։

Նա նշել է, որ կայցելի երկրաշարժերից տուժած որոշ տարածքներ:

Իրանի արտգործնախարարը հավելել է նաև, որ բանակցություններ է ունենալու թուրք գործընկեր Մևլութ Չավուշօղլուի հետ վերջին միջազգային իրադարձությունների, ինչպես նաև Թեհրանի և Անկարայի միջև երկկողմ հարաբերությունների վերաբերյալ:

Հիշեցնենք` փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է տեղի ունեցել, որն ավերածությունների է հանգեցրել Թուրքիայի և Սիրիայի մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ:

Գրանցվել է ավելի քան 4000 հետցնցում, երկրաշարժի զոհ է դարձել շուրջ 50 հազար մարդ։