ԵՐԵՎԱՆ, 4 մարտի – Sputnik. Գեղասահորդ Արթուր Դանիելյանը հայտարարել է, որ Սանկտ Պետերբուրգում Ռուսաստանի Գրան պրիի եզրափակիչում կարճ ելույթը զգացմունքային էր: Նա ուրախ է, որ քառակի «սալխով» է արել, հաղորդում է ՌԻԱ Նովոստին:
Հրապարակման մեջ նշվում է, որ Դանիելյանը հավաքել է 88,32 միավոր, նա մրցաշրջանում առաջին անգամ կարճ ծրագրում չորս պտույտով մաքուր «սալխով» է արել։
«Ինչի վրա աշխատել էի, ցույց է տվեցի. ազատ ծրագրում ինձ արդեն հաջողվել էր ցատկել (քառակի «սալխով»), կարճ ծրագրում կային ոչ մաքուր ելքեր։ Այսօր դա արեցի այնպես, ինչպես պետք է: Ելույթը բավականին զգացմունքային էր ինձ համար՝ հանդիսատեսի աջակցությամբ։ Միայն պտույտների ժամանակ միավորներ կորցրի. Դա մաքուր ելույթ չէր, պտույտներով սարսափելի ստացվեց», - լրագրողներին ասել է մարզիկը։
Դրա հետ մեկտեղ, Դանիելյանի խոսքով, ինքը ուրախ է, որ գնահատականներում աճ կա։
Արթուր Դանիելյանը ծնվել է 2003 թվականի դեկտեմբերի 17-ին Վոլգոգրադում։ Ազգությամբ հայ ՌԴ դրոշի ներքո հանդես եկող գեղասահորդ է, որը հանդես է գալիս մենասահքում: Նա ունի Եվրոպայի առաջնության արծաթե մեդալ (2020) և Ռուսաստանի առաջնության արծաթե մեդալ (2020): Միջազգային կարգի Ռուսաստանի սպորտի վարպետ է: