ԵՐԵՎԱՆ, 2 մարտի – Sputnik. Ռուսաստանը չի հրաժարվում Ուկրաինայի հարցով բանակցությունների լուրջ առաջարկներից։ Ինչպես հայտնում է ՌԻԱ Նովոստին, այս հայտարարությունն արել է ՌԴ արտգործնախարար Սերգեյ Լավրովը, որը Հնդկաստանում մասնակցել է G20 ԱԳ ղեկավարների խորհրդի նիստին:
«Ինչ վերաբերում է ճգնաժամի լուծմանն աջակցելուն, մենք բազմիցս հրապարակավ ասել ենք, որ երբեք չենք հրաժարվում լուրջ առաջարկներից, որոնք արվում են քաղաքական լուծում գտնելու անկեղծ ձգտումով»,-ասել է Լավրովը:
Նա նաև նշել է, որ չի հիշում՝ արևմտյան գործընկերներից որևէ մեկը, ինչպես նաև մի շարք այլ պետություններ բանակցությունների կոչ անեն Ուկրաինային։
«Հավանաբար դրանում անթաքույց ճշմարտություն կա, քանի որ Ուկրաինային պարզապես տրամադրում են, որ պատերազմը պետք է շարունակվի»,- հայտարարել է Լավրովը
Ավելի վաղ ՌԴ փոխարտգործնախարար Սերգեյ Ռյաբկովը հայտարարել էր, որ Ռուսաստանը բաց է Ուկրաինայի շուրջ երկխոսության համար՝ առանց նախապայմանների։ Նա նշել էր, որ Ռուսաստանը դրան պատրաստ էր նաև նախկինում, բայց Կիևն իր արևմտյան համակարգողների հրամանով ընդհատեց երկխոսությունը, որն ընդհանուր առմամբ առաջ էր գնում։