Խոշոր հրդեհ Վեդիում. խոտանված ավտոմեքենաներ են այրվել

ԵՐԵՎԱՆ, 1 մարտի – Sputnik. Այսօր Արարատի մարզի Վեդի քաղաքում 12 խոտանված մեքենա է այրվել։ Տեղեկությունը հայտնում ՆԳՆ փրկարար ծառայությունը։

Ճգնաժամային կառավարման ազգային կենտրոնը հրդեհի մասին ահազանգը ստացել է ժամը 13։08-ին։ Դեպքի վայր է մեկնել հրշեջ-փրկարարական ջոկատից մեկ մարտական հաշվարկ։

«Պարզվել է, որ Արարատյան փողոցի տներից մեկին հարակից այգում այրվում են խոտանված ավտոմեքենաներ։ Այրվել է 12 ավտոմեքենա, որից 3-ը՝ մասնակի»,–ասված է հաղորդագրությունում։

Հրդեհը մեկուսացվել է ժամը 13։26-ին, մարվել՝ 13։54-ին։