ԵՐԵՎԱՆ, 28 փետրվարի - Sputnik. Մարտի 2-ից 14-ը Սերբիայի Վրնյաչկա Բանյա քաղաքում կանցկացվի շախմատի Եվրոպայի 2023 թվականի անհատական առաջնությունը:
Առաջնությանը կմասնակցեն 40 երկրների 499 շախմատիստներ, հայտնում են Հայաստանի շախմատի ֆեդերացիայից:
Հայաստանից կմասնակցեն 13 շախմատիստներ, առաջին համարը Գաբրիել Սարգսյանն է, երկրորդը՝ Հայկ Մարտիրոսյանը։
Ներկայացնում ենք հայ մասնակիցների ցանկը.
ՄԳ Գաբրիել Սարգսյան՝ 2699
ՄԳ Հայկ Մարտիրոսյան՝ 2686
ՄԳ Մանուել Պետրոսյան՝ 2634
ՄԳ Շանթ Սարգսյան՝ 2630
ՄԳ Սամվել Տեր-Սահակյան՝ 2616
ՄԳ Ռոբերտ Հովհաննիսյան՝ 2597
ՄՎ Մամիկոն Ղարիբյան՝ 2486
ՄՎ Արմեն Բարսեղյան՝ 2395
ՄՎ Էմին Օհանյան՝ 2385
ՖՎ Ալեքս Սահակյան՝ 2343
ՖՎ Ռոբերտ Փիլիպոսյան՝ 2314
ՄՎ Վահե Դանիելյան՝ 2307
ՖՎ Սարգիս Մանուկյան Արայի՝ 2163
Հիշեցնենք՝ Եվրոպայի անհատական առաջնությանը նախապատրաստվելու նպատակով Հայաստանի տղամարդկանց հավաքականը փետրվարի 13-27-ն ուսումնամարզական հավաք է անցկացրել Արզնիում:
Շախմատի Եվրոպայի կանանց 23-րդ անհատական առաջնությունն էլ կանցկացվի մարտի 18-29-ը Չեռնոգորիայի Պետրովաց քաղաքում: Հայաստանից կմասնակցի 6 շախմատիստ։