ԵՐԵՎԱՆ, 26 փետրվարի – Sputnik. Թե որքանով Ռուսաստանը ստիպված կլինի հեռացնել արևմտյան սպառնալիքը իր սահմաններից, կախված է նրանից, թե ինչ զենք կմատակարարվի Ուկրաինային։ Տեղեկությունը հայտնել է ՌԴ պաշտպանության նախարար Սերգեյ Շոյգուն «Ռոսիա 1» հեռուստաալիքի «Մոսկվա. Կրեմլ. Պուտին» հաղորդման եթերում, որի մի հատված Պավել Զարուբինը հրապարակել է իր Telegram ալիքում։
«Դա կախված է այն զենքից, որը կտրվի (Կիևին Արևմուտքի կողմից)», - ասել է Շոյգուն:
Ավելի վաղ Դաշնային ժողովին ուղղված ուղերձում Ռուսաստանի նախագահ Վլադիմիր Պուտինը հայտարարել էր, որ «որքան ավելի հեռահար արևմտյան համակարգեր մտնեն Ուկրաինա, այնքան ավելի հեռու ստիպված կլինենք հեռացնել սպառնալիքը մեր սահմաններից»:
Հիշեցնենք՝ 2022-ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են մինչ օրս։