ԵՐԵՎԱՆ, 26 փետրվարի – Sputnik.Բուլղարիայում ընթացող բռնցքամարտի Ստրանջայի մրցաշարում գերծանր քաշային Դավիթ Չալոյանն ու 80 կգ քաշային Համբարձում Հակոբյանը դուրս են եկել եզրափակիչ: Տեղեկությունը հայտնում է Հայաստանի բռնցքամարտի ֆեդերացիան։
Եվս երկու բռնցքամարտիկներ` 57 կգ քաշային Արթուր Բազեյանը ու 67 կգ քաշային Գուրգեն Մադոյանը, պարտվել են կիսաեզրափակիչում ու նվաճել բրոնզե մեդալ:
Հիշեցնենք, որ Բուլղարիայում անցկացվող միջազգային մրցաշարին Հայաստանի բռնցքամարտի տղամարդկանց հավաքականից մասնակցում է 12 մարզիկ։
Կարեն Աղամալյանի գլխավորությամբ մրցավայր են մեկնել Բարեղամ Հարությունյանը (48 կգ), Ռուդոլֆ Գարբոյանը (51 կգ), Հենրիկ Սահակյանը (54 կգ), Արթուր Բազեյանը (57 կգ), Արթուր Ղազարյանը (60 կգ), Արթուր Շահբազյանն ու Նարեկ Հովհաննիսյանը (երկուսն էլ՝ 63 կգ), Արարատ Հարությունյանն ու Գուրգեն Մադոյանը (երկուսն էլ՝ 67 կգ), Վախթանգ Հարությունյանը (75 կգ), Համբարձում Հակոբյանը (80 կգ) ու գերծանր քաշային Դավիթ Չալոյանը: