ԵՐԵՎԱՆ, 20 փետրվարի - Sputnik. Այսօր ժամը20։00-ի դրությամբ Ապարանի և Աշոցքի տարածաշրջաններում ձյուն է տեղում։ Տեղեկությունը հայտնում է «Ճանապարհային դեպարտամենտ» հիմնադրամը։
Հաղորդագրության համաձայն` բքի, ցածր տեսանելիության և տեղ-տեղ մերկասառույցի պատճառով Սպիտակի ոլորանները դժվարանցանելի են։
Դժվարանցանելի է նաև Թթուջուր-Նավուր ավտոճանապարհը։
Քուչակից Միրաք և Արթիկ-Ալագյազ ավտոճանապարհներին նույնպես բուք է։
Միջպետական և հանրապետական նշանակության բոլոր ավտոճանապարհները բաց են։