Ստամբուլում կարող է աղետալի երկրաշարժ տեղի ունենալ. ԶԼՄ

ԵՐԵՎԱՆ, 17 փետրվարի – Sputnik. Փորձագետների կողմից Ստամբուլում սպասվող երկրաշարժը կգերազանցի Թուրքիայի կորուստները, որոնք գրանցվել են երկրի հարավ-արևելքում տեղի ունեցած աղետի հետևանքով, և սոցիալ-տնտեսական աղետալի հետևանքներ կունենա: Տեղեկությունը հայտնում է Hürriyet թերթը։

Մի շարք թուրք սեյսմոլոգներ վերջին շրջանում Ստամբուլում ավերիչ երկրաշարժ են կանխատեսում։ Գիտնականները նշում են, որ մեգապոլիսը գտնվում է Անատոլիական և Եվրասիական տեկտոնական սալերի հանգույցում, Հյուսիս-Անատոլիական խզվածքի այդ հատվածից 15-20 կմ հարավ, այն անցնում է Մարմարա ծովի տակով։

Հաղորդվում է, որ Ստամբուլում կա 1 միլիոն 164 հազար շենք և 4,5 միլիոն բնակարան, որոնցից յուրաքանչյուրում միջինը 3,3 մարդ է ապրում: 7,5 բալ և ավելի ուժգնությամբ երկրաշարժի դեպքում սպասվում է, որ 13 հազար 492 շենքի լուրջ վնաս կհասցվի, 39 հազար 325 շենք խիստ կվնասվի, 136 հազար 746 շենք չափավոր, 300 հազար 963 շենք՝ աննշան կվնասվի: