ԵՐԵՎԱՆ, 17 փետրվարի - Sputnik. ՀՀ պաշտպանության նախարարի տեղակալ Արման Սարգսյանն ընդունել է փաստահավաք առաքելությամբ Հայաստանի Հանրապետություն ժամանած Եվրոպայի խորհրդի խորհրդարանական վեհաժողովի մոնիտորինգի հանձնաժողովի Հայաստանի հարցերով համազեկուցողներ Կիմո Կիլյունենի, Բորիանա Աբերգի և հանձնաժողովի քարտուղար Մեթյու Մոնինի պատվիրակությանը։
Տեղեկությունը հայտնում են ՀՀ պաշտպանության նախարարությունից։
Հանդիպման ընթացքում պաշտպանության նախարարի տեղակալը հյուրերին է ներկայացրել հայ-ադրբեջանական սահմանին ստեղծված իրավիճակը, քննարկվել են տարածաշրջանային անվտանգությանն առնչվող մի շարք հարցեր։
Ավելի վաղ Եվրոպայի խորհրդի խորհրդարանական վեհաժողովի մոնիտորինգի հանձնաժողովի անդամներին ընդունել էր ՀՀ ԱԳ փոխնախարար Պարույր Հովհաննիսյանը։
ՀՀ պաշտպանության փոխնախարարն ընդունել է ԵԽԽՎ մոնիտորինգի հանձնաժողովի համազեկուցողներին
© Photo : official site of MoD of RA