ԵՐԵՎԱՆ, 13 փետրվարի - Sputnik. Թուրքիայում տեղի ունեցած երկրաշարժերը տեղ են գտել աշխարհում երբևէ գրանցված, ցամաքային էպիկենտրոն ունեցող խոշորագույն ստորգետնյա ցնցումների տասնյակում: Այս մասին հայտարարել է Կանադայի Բրիտանական Կոլումբիա նահանգի Վիկտորիանական համալսարանի սեյսմոլոգիայի պրոֆեսոր Էդվին Նիսսենը։
«Դրանք կործանարար դարձան մասշտաբների և գտնվելու վայրի համադրությամբ` Թուրքիայի խիտ բնակեցված հատվածում»,-պրոֆեսորի խոսքը մեջբերում է Anadolu գործակալությունը:
Նա նշել է, որ ամենաուժեղ երկրաշարժերը սովորաբար տեղի են ունենում օվկիանոսներում։
Նիսսենը հիշեցրել է, որ Թուրքիայի պատմության մեջ տարերային աղետն ամենամահաբերն էր 1939 թվականին, որի հետևանքով զոհվել էր ավելի քան 30 հազար մարդ:
Գիտնականը հավելել է, որ երկրաշարժի ժամանակը «հատկապես անբարենպաստ էր», քանի որ այն տեղի է ունեցել գիշերվա կեսին և դաժան ձմռան պայմաններում:
Գիտնականը հավելել է, որ երկրաշարժի ժամանակը «հատկապես անբարենպաստ էր», քանի որ այն տեղի է ունեցել գիշերվա կեսին և դաժան ձմռան պայմաններում:
Հիշեցնենք՝ փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է տեղի ունեցել, որն ավերածությունների է հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ:
Նույն երկրաշարժը ավերածություններ է գործել նաև Սիրիայում։