ԵՐԵՎԱՆ, 13 փետրվարի – Sputnik. ՀՀ Արագածոտնի մարզի Սասունիկ գյուղի տներից մեկում թունավորման ախտանշաններով «Աշտարակ» ԲԿ են տեղափոխել 10 քաղաքացի։ Տեղեկությունը Sputnik Արմենիայի հետ զրույցում ասաց Սասունիկ գյուղի վարչական ղեկավար Արման Մարգարյանը
«Մարդիկ շատ թեթև թունավորվել են շմոլ գազից։ Ընտանիքը պատրաստվում էր հարսանիքի և գազի տաքացուցիչը թողել էր միացված։ Նրանք բոլորն էլ դուրս են գրվել հիվանդանոցից և մասնակցում են հարսանեկան արարողությանը»,- ասաց նա։
Ավելի վաղ Shamshyan.com հայտնել էր, որ հիվանդանոց են տեղափոխվել 35-ամյա Ալիսա Ա․-ն, 9-ամյա Միլենա Մ․-ն, 17-ամյա Սևակ Մ․-ն, 9-ամյա Կարեն Մ․-ն, 16-ամյա Լյովա Մ․-ն, 46-ամյա Քրիստինե Մ․-ն, 45-ամյա Սոնյա Մ․-ն, 39-ամյա Ռիտա Մ․-ն, 35-ամյա Լիլիթ Մ․-ն և 38-ամյա Ծաղիկ Մ․-ն։
Դեպքի փաստով Արագածոտնի մարզի քննչական վարչությունում նախաձեռնվել է վարույթ։