Ռուսական ՓՄՁ-ների և հայկական բիզնեսի միջև համագործակցության նախագծեր են ծնվել

ԵՐԵՎԱՆ, 13 փետրվարի - Sputnik. Ռուսական փոքր և միջին ձեռնարկությունների և հայաստանյան արտադրողների միջև արտադրական կոոպերացիայի հաջողված նախագծեր են կան։ Այս մասին Sputnik Արմենիայի հետ զրույցում ասաց Հայաստանում ՌԴ առևտրային ներկայացուցիչ Աննա Դոնչենկոն։

Գործընկերների որոնման հարցում, նրա խոսքով, օգնում է ռուսական мсп.рф թվային հարթակը, որը պահում է ՌԴ տնտեսական զարգացման նախարարությանը կից գործող ՓՄՁ կորպորացիան։

Առևտրային ներկայացուցչությունն ընդունում է հայկական ընկերությունների հարցումները` փոքր և միջին բիզնեսից ռուսաստանցի մատակարարներ գտնելու վերաբերյալ։

Համագործակցություն է հաստատվել նաև շշալցված ջուր արտադրող հայկական A&M Rare ընկերության և պրեմիում դասի շշեր մատակարարող «Պրեմիում Գլասս» ընկերության (Մոսկվայի մարզ) միջև:

Դոնչենկոն հավելել է, որ ռուսական բիզնեսը հետաքրքրված է նաև հայկական ապրանքների գնումներով, ինչպես նաև հայկական ներդրումների ներգրավմամբ։
Այսպես, այս տարվա հունվարին Հայաստան էր այցելել Բաշկորտոստանից ժամանած գործարարների խումբը։ Առևտրային ներկայացուցչության հարթակում կայացել են բաշկիր և հայ գործարարների գործնական բանակցությունները։ Քննարկվել են ինչպես Հայաստանից սննդամթերքի մատակարարման հնարավորությունները, այնպես էլ Բաշկորտոստանում տոմատի մածուկի և այլ տեսակի մրգային և բանջարեղենային պահածոների արտադրության ներդրումային ծրագրերը: