ԵՐԵՎԱՆ, 12 փետրվարի – Sputnik. Կիպրոսի նախագահի ընտրությունների երկրորդ փուլում հաղթել է Նիկոս Քրիստոդուլիդիսը, որը, վերջին հարցումների համաձայն, հավաքում է ձայների 50-55 տոկոսը։ Նրա մրցակից Անդրեաս Մավրոյանիսը հավաքում է ձայների 44-49 տոկոսը։
Տեղեկությունը հայտնում է ՌԻԱ Նովոստին։
Մինչ այս Քրիստոդուլիդիսը զբաղեցնում էր Կիպրոսի արտգործնախարարի պաշտոնը։
Քրիստոդուլիդիսը և Մավրոյանիսը առաջադրվել են որպես անկախ թեկնածուներ։
Նշենք, որ Կիպրոսի նախագահը 2013 թվականի փետրվարի 28-ից Նիկոս Անաստասիադիսն էր։