ԵՐԵՎԱՆ, 10 փետրվարի – Sputnik. Ժամը 09։00-ի դրությամբ Ստեփանավանի, Տաշիրի, Թումանյանի և Սիսիանի տարածաշրջաներում ձյուն է տեղում։ Տեղեկությունը հայտնում է Ճանապարհային դեպարտամենտ հիմնադրամը։
Ապարանի, Արագածի, Սևանի, Թալինի տարածաշրջանների ավտոճանապարհներին, Հոռոմ-Արթիկ-Ալագյազ և Մաստարա-Լանջիկ ճանապարհահատվածներում տեղ-տեղ մերկասառույց է։
Միջպետական և հանրապետական նշանակության բոլոր ավտոճանապարհները բաց են։
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
ՀՀ ԱԻՆ–ն էլ հայտնում է, որ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնի տվյալների համաձայն` Ստեփանծմինդա-Լարս ավտոճանապարհը փակ է բեռնատարների համար։