ԵՐԵՎԱՆ, 8 փետրվարի – Sputnik. Մեծ Բրիտանիայի վարչապետ Ռիշի Սունակը Ուկրաինայի նախագահ Վլադիմիր Զելենսկու հետ մամուլի ասուլիսի ժամանակ հայտնել է, որ քննարկել են Կիևին էլ ավելի մեծ հեռահարության սպառազինության, այդ թվում՝ հրթիռների տրամադրման հարցը։ Նրա խոսքերը մեջբերում է ՌԻԱ Նովոստին։
«Ուկրաինան կունենա նույնիսկ ավելի մեծ հեռահարության զենք, քան անհրաժեշտ է ռազմական գործողությունների այս փուլում: Սա ևս մեկ շատ արդյունավետ խոսակցություն էր այսօր»,- ասել է Սունակը:
Ռուսաստանը նախկինում նոտա է հղել ՆԱՏՕ-ի երկրներին՝ Ուկրաինային զենք մատակարարելու պատճառով։ Ռուսաստանի արտգործնախարար Սերգեյ Լավրովը նշել է, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։ ՌԴ ԱԳՆ-ն հայտարարել է, որ ՆԱՏՕ-ի երկրները «կրակի հետ են խաղում»՝ զենք մատակարարելով Ուկրաինային։ Ռուսաստանի Դաշնության նախագահի մամուլի քարտուղար Դմիտրի Պեսկովը նշել է, որ Ուկրաինային Արևմուտքից զենք ուղարկելը չի նպաստում ռուս-ուկրաինական բանակցությունների հաջողությանը և բացասական ազդեցություն է ունենում։