ԵՐԵՎԱՆ, 8 փետրվարի – Sputnik. Արևմտյան պետությունների ներկայացուցիչները ՄԱԿ-ի Անվտանգության խորհրդի նիստում չեն դատապարտել Կիևին քիմիական զենքի կիրառման համար, թեև ՌԴ մշտական ներկայացուցիչ Վասիլի Նեբենզյան հիշատակել է այդ փաստը։ Տեղեկությունը փոխանցում է ՌԻԱ Նովոստին։
Օրերս ուկրաինական լուրերով համարձակորեն տարածեցին Ուկրաինայի զինված ուժերի մարտական թունավոր նյութերի կիրառման կադրերը։ Նեբենզյան ասել է, որ ՌԴ իրավասու մարմինները ներկայումս ստուգում են այդ տեղեկատվությունը։
«Թեև երեկ այս դահլիճում մեր նախկին արևմտյան գործընկերները կուրծք էին ծեծում և հայտարարում, որ որևէ մեկի կողմից քիմիական զենքի կիրառում թույլ չեն տա, մենք չենք կասկածում, որ նրանք անուշադրության կմատնեն Զելենսկու ռեժիմի այս հերթական հանցագործությունը։ Այդպիսին են երկակի ստանդարտները», - ընդգծել է նա։
Այդպես էլ եղավ. արևմտյան երկրներից ոչ մեկը չանդրադարձավ այդ թեմային։
Այնուամենայնիվ, այսօր ՄԱԿ-ի ԱԽ-ում տեղի է ունեցել սիրիական քիմիական դոսյեի վերաբերյալ նիստը, որտեղ Արևմուտքի ներկայացուցիչները մեղադրել են «Բաշար Ասադի ռեժիմին» քիմիական զենք կիրառելու և քիմիական զենքի կիրառման արգելման մասին կոնվենցիան խախտելու համար: