ԵՐԵՎԱՆ, 7 փետրվարի - Sputnik. Ճգնաժամային կառավարման ազգային կենտրոն ժամը 09:01-ին ահազանգ է ստացվել, որ Հրազդանի կիրճում՝ Դավթաշենի կամրջի տակ, տեղի է ունեցել ՃՏՊ՝ բախվել է երկու ավտոմեքենա, կա տուժած․ անհրաժեշտ է փրկարարների օգնությունը։
Տեղեկությունը հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Հրազդանի կիրճում ավտոմեքենաներ են բախվել
Պարզվել է, որ բախվել են «Mitsubishi Airtrek» (վարորդ՝ Ի. Ի., ծնված 1999 թ․) և «Nissan Tiida» (վարորդ` Ն. Մ., ծնված 1992 թ․) մակնիշների ավտոմեքենաները։
Մինչ փրկարարների կանչի վայր հասնելը՝ «Nissan Tiida» մակնիշի ավտոմեքենայի ուղևոր Վ. Հ.-ն (ծնված 1999 թ․) հոսպիտալացվել է «Արմենիա» ՀԲԿ, իսկ վարորդին փրկարարները մոտեցրել են շտապօգնության ավտոմեքենային․ վերջինս նույնպես հոսպիտալացվել է «Արմենիա» ՀԲԿ։