«Խելագար Պակոն»․ կուտյուրիե Պակո Ռաբանի բարձր նորաձևությունը` լուսանկարներում

Բասկյան ձագումով ֆրանսիացի դիզայներ Պակո Ռաբանի առաջին նորաձևության շոուն նրան փառք և հռչակ բերեց։ Այն ժամանակ՝ 1966 թվականին, նա հանդիսատեսին ցնցեց իր «12 զգեստ, որոնք չի կարելի կրել» հավաքածուով։ Հենց նորաձության մեջ իր ոչ ստանդարտ մոտեցման համար նա ստացավ Wacko Paco («Խելագար Պակո») մականունը։

Կուտյուրիեն, որը հայտնի է այընտրանքային նյութերից՝ պլաստիկից, թղթից և մետաղից պատրաստված հագուստով, նորաձևության մեջ օգտագործում էր նաև երկարաչփական պատկերները։ Նրա վաղ շրջանի նախագծերի թվում են կաշվից հյուսված ցանցից, փետուրներով պատված զգեստները։ Իսկ թեթև ալյումինի նկատմամբ նրա սիրո համար Կոկո Շանելը մոդելիերին «նորաձևության մետալուրգ» էր անվանում։

Ռաբանը շարունակեց փորձարկումները` ստեղծելով թղթե հանդերձանքների հավաքածու, որը նա համարում էր ապագայի հագուստ: Նրա զգեստները կրել են կինոյի բազմաթիվ աստղեր, այդ թվում Օդրի Հեփբերնը և Ջեյն Ֆոնդան։ Սակայն նորաձևության աշխարհում Ռաբանի նորամուծությունները ոչ ստանդարտ նյութերով ու ձևերով չէին սահմանափակվում: Նա առաջինն էր, որ սկսեց դեֆիլեների հրավիրել սևամորթ մոդելների, ինչպես նաև ցուցադրությունների ժամանակ երաժշտական նվագակցություն օգտագործել՝ զգեստների համարներն ու դրանց նկարագրությունները ընթերցող ավանդական ձայնի փոխարեն:

1 / 15

Իսպանացի դիզայներ Պակո Ռաբանը լուսանկարվում է մոդելների հետ. 28 հունվարի 1976թ, Փարիզ

2 / 15

Պակո Ռաբանի մոդելը, որը ներկայացվել է հունվարի 22-ին Փարիզում, սպիտակ մետաղե կոմբինեզոնով և «haute couture գարուն-ամառ-1997» հավաքածուից գլխարկով

3 / 15

Մոդելները ներկայացնում են կարմիր, վարդագույն և կապույտ «հարեմային» զգեստները 1999 թվականին Փարիզում, «Paco Rabanne-ի գարուն-ամառ» բարձր նորաձևության ցուցադրության ժամանակ

4 / 15

Դիզայներ Պակո Ռաբանն օգնում է մոդելին հագնել մոնղոլական այծի բրդից շարֆը Փարիզի իր խանութում

5 / 15

Մոդել Կառլա Բրունին ներկայացնում է Պակո Ռաբանի ստեղծագործությունը․ վերնաշապիկ-զգեստը՝ կոնքերին կապված գոտիով, 1996-97 պրետ-ա-պորտե աշուն-ձմեռ հավաքածուից, Փարիզ

6 / 15

Պակո Ռաբանը ցուցադրում է արծաթագույն լյուրեքսից կոմբինեզոնը՝ կապտականաչ ջրով լի թափանցիկ պլաստիկե սկավառակներով, «Աշուն-ձմեռ1996-1997» բարձր նորաձևության հավաքածուի համար. Փարիզ

7 / 15

Կուտյուրյե Պակո Ռաբանը իր 1998 թվականի գարուն-ամառ հավաքածուի ցուցադրության վերջում ներկայացնում է մաորի զույգի «Ամուսնության արարողությունը»՝ մերկ մարմնի վրա մետաղական դաջվածքներով

8 / 15

Մոդելները ներկայացնում են Պակո Ռաբանի վերջին բարձր նորաձևության ցուցադրության համար պատրաստված ստեղծագործությունները «Աշուն-ձմեռ 1999-2000» հավաքածուների ցուցադրության ժամանակ

9 / 15

Պակո Ռաբանը համբուրում է օրգանդիից պատրաստված, մարգարտե սկավառակներով զարդարված զգեստով հարսնացուին «Գարուն-ամառ 1996» բարձր նորաձևության ցուցադրության փակման ժամանակ

10 / 15

10․ Մոդելը ցուցադրում է մետաղական ցանցից կարված կարճ զգեստը Paco Rabanne-ի 1998 թվականի «Գարուն –ամառ Haute Couture» հավաքածուի ցուցադրության ժամանակ

11 / 15

Պակո Ռաբանը ողջունում է հանդիսատեսին իր «Haute Couture գարուն-ամառ 1993» հավաքածուի ցուցադրության ժամանակ

12 / 15

Թափանցիկ վերարկու և նույնպիսի երկարաճիտ կոշիկներ հսկայական գլխարկով` «Haute Couture Աշուն-ձմեռ 1997-98» հավաքածուից

13 / 15

Մոդելը ներկայացնում է Պակո Ռաբանի ստեղծագործությունը Փարիզում «Աշուն-ձմեռ 2020-2021 Ready-to-Wear» կանանց հավաքածուի ցուցադրության ժամանակ

14 / 15

Մոդելները ներկայացնում են Paco Rabanne-ի ստեղծագործությունները, որոնք բաղկացած են տիեզերական մոտիվներով շրջազգեստից և նույնպիսի մատիտ-զգեստից, պատրաստված աստղային փայլերով արծաթագույն մետաղից և ՊՎՔ-ից՝ բարձր նորաձևության 1996-1997 «Աշուն-ձմեռ» հավաքածուի համար

15 / 15

Պակո Ռաբանն իր կարի ֆաբրիկայում։ Լուսանկարն արված է 1987 թվականի մարտի 1-ին Փարիզում

Ռաբանը մահացել է փետրվարի 3-ին Ֆրանսիայի Պորտսալ քաղաքում, 88 տարեկան հասակում։