ԵՐԵՎԱՆ, 29 հունվարի – Sputnik. Այսօր և առաջիկա 4 օրերին Հայաստանի առանձին շրջաններում ժամանակ առ ժամանակ, դադարներով սպասվում է ձյուն և մառախուղ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
«Օդի ջերմաստիճանը 29-30-ի գիշերը կբարձրանա 8-10 աստիճանով, ցերեկը՝ 4-6 աստիճանով»,– նշված է հաղորդագրությունում։
Այսօր Երևանում ցերեկային ժամերին կգրանցվի 3-5 աստիճան տաքություն, գիշերը` 3-5 աստիճան ցուրտ։ Մայրաքաղաքում ժամանակ առ ժամանակ թույլ ձյուն կտեղա։