ԵՐԵՎԱՆ, 23 հունվարի – Sputnik. ՀՀ պաշտպանության նախարար Սուրեն Պապիկյանն ու Հարավային Կովկասի և Վրաստանի ճգնաժամային հարցերով ԵՄ հատուկ ներկայացուցիչ Տոյվո Կլաարը քննարկել են տարածաշրջանային վերջին զարգացումները։ Այս մասին տեղեկանում ենք ՀՀ պաշտպանության նախարարության լրատվական բաժնից։
«Տոյվո Կլաարը իր մտահոգություններն է հայտնել Լաչինի միջանցքի շուրջ ստեղծված իրավիճակի վերաբերյալ»,–ասվում է ՀՀ ՊՆ հաղորդագրության մեջ։
Պապիկյանն ու Կլաարը հույս են հայտնել, որ ԵՄ արտգործնախարարների կոմիտեի նիստում որոշում կկայացվի ՀՀ տարածքում ԵՄ քաղաքացիական դիտորդական նոր առաքելություն իրականացնելու վերաբերյալ։
Հանդիպում ՀՀ ՊՆ–ում
© Photo : Հայաստանի Հանրապետության պաշտպանության նախարարություն/MoD of the RA
Պն–ում կայացած հանդիպմանը մասնակցել է նաև Հայաստանում ԵՄ պատվիրակության ղեկավար, դեսպան Անդրեա Վիկտորինը:
Հանդիպում ՀՀ ՊՆ–ում
© Photo : Հայաստանի Հանրապետության պաշտպանության նախարարություն/MoD of the RA
Ավելի վաղ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչը հայտնել էր, որ վերադառնում է Երևան հանդիպումներ ունենալու` ընդգծելով, որ Լաչինի միջանցքի շուրջ ստեղծված իրավիճակը լուրջ է և պետք է շտապ լուծումներ գտնել։ Կլաարը նշել է նաև, որ ԵՄ-ի նպատակը հայ-ադրբեջանական խնդրի համապարփակ կարգավորումն է։