ԵՐԵՎԱՆ, 22 հունվարի – Sputnik. Հայաստանի տարածքում կան փակ ավտոճանապարհներ։ Տեղեկությունը հայտնում է ԱԻՆ մամուլի ծառայությունը։ Մասնավորապես, փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
«Սպիտակի ոլորաններում և Սյունիքի մարզի բարձրադիր գոտիներում մառախուղ է»,– նշված է հաղորդագրության մեջ։
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Հայտնում է ԱԻՆ-ը` վկայակոչելով Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվությունը։
Բոլոր վարորդներին խորհուրդ է տրվում երթևեկել բացառապես ձմեռային անվադողերով։