ԵՐԵՎԱՆ, 20 հունվարի - Sputnik. ՀՀ զինվորական դատախազ, գլխավոր դատախազի տեղակալ Գրիգոր Էլիզբարյանն այսօր այցելել է ՀՀ պաշտպանության նախարարության հանրապետական կենտրոնական հավաքակայան, տեղեկացնում են դատախազության լրատվական ծառայությունից:
Զինվորական դատախազը ծանոթացել է ձմեռային զորակոչի ընթացքին
Նա ՊՆ զորակոչային և զորահավաքային համալրման ծառայության պետ Արմեն Ավթանդիլյանի ուղեկցությամբ շրջել է հավաքակայանում, ծանոթացել ձմեռային զորակոչի ընթացքին և իրականացվող աշխատանքներին:
Գրիգոր Էլիզբարյանը հետևել է նաև հավաքակայանում անցկացվող բժշկական հետազոտությունների կազմակերպմանն գործընթացին, զրուցել բուժզննում անցնող զորակոչիկների ու ռազմական բժիշկների հետ:
Զինվորական դատախազը ՊՆ հանրապետական կենտրոնական հավաքակայանի անձնակազմի հետ քննարկել է նաև զորակոչի գործընթացն ու կազմակերպչական մի շարք հարցեր: