ԵՐԵՎԱՆ, 18 հունվարի – Sputnik. Հունվարի 17-ից 18-ը Հայաստանի Հանրապետության ոստիկանության ստորաբաժանումները բացահայտել են հանցագործության 53 դեպք, որից 4-ը՝ նախկինում կատարված։ Տեղեկությունը հայտնում է ՀՀ ոստիկանության մամուլի ծառայությունը։
Հանցագործությունների մեջ ամենամեծ թիվը կազմել են թմրամիջոցների հետ կապված դեպքերը (10) ։
Հայտնաբերվել է նաև ընտանեկան բռնության 5, մարմնական վնասվածք պատճառելու և խարդախության 4-ական, անձնական ունեցվածքի գողության, բնակարանային գողության, խուլիգանության, և մարդու թրաֆիքինգի կամ շահագործման 2-ական դեպք։
Ոստիկանությունից հայտնում են նաև այն այն հանցահործությունների մասին, որոնցից հայտնաբերվել է 1–ական դեպք։ Դրանք են`
Զենք-զինամթերքի առգրավում
Ապօրինի ծառահատում
Կաշառակերություն
Սեքսուալ բնույթի գործողություններին հարկադրել
Ընտրակաշառք տալ
Բռնություն գործադրելու հրապարակային կոչեր
Խոշտանգում
Պայթյունավտանգ օբյեկտներում անվտանգության կամ աշխատանքի պաշտպանության կանոնների կամ պահանջների խախտում
Ինքնավնասում
Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը
Սեքսուալ բնույթի բռնի գործողություններ
Ֆիզիկական ներգործություն։
Հաղորդագրության համաձայն` հայտնաբերվել է 4 հետախուզվող: Կամավոր ներկայացել է 1 հետախուզվող։ Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության 3 և ավազակային հարձակման 1 դեպք։
Ոստիկանությունից հայտնում են նաև, որ անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար. 1 մարդ զոհվել է, 18-ը՝ ստացել տարբեր աստիճանի մարմնական վնասվածքներ: