ԵՐԵՎԱՆ, 16 հունվարի – Sputnik. Զինվորի տան ևս 4 տղաներ սեփական բիզնեսը կհիմնեն։ Տեղեկությունը հայտնում է վերականգնողական կենտրոնի մամուլի բաժինը։
«Նարեկ Միրաքյանը Սյունիքի մարզում ըմպելիքի և ջրերի արտադրամաս կհիմնի, Հայաստան Մինասյանը՝ Գեղարքունիքի մարզում՝ պոնչիկանոց, Գոռ Սահակյանի բիզնես նախագիծը Շիրակում կահույքի արտադրամասի ստեղծումն է, Թեմուր Մաղսուդյանը մասնակի կնորոգի Ավան Առինջում գտնվող էկո հյուրատունը»,– տեղեկացնում են կենտրոնից։
Նշենք, որ պատերազմի հետևանքով վիրավորում ստացած 38 երիտասարդներ արդեն իրենց բիզնեսն ունեն: Նրանցից 10-ը բիզնես են հիմնել 2022թ.-ին:
Զինվորի տունն այս ծրագիրն իրականացնում է «Ազնավուր» հիմնադրամի աջակցությամբ և ֆինանսավորմամբ: Ի դեպ, նշված 4 տղաների բիզնես ծրագրերի իրականացմանը միացել է նաև «Դալմա Գարդեն մոլը»։