ԵՐԵՎԱՆ, 15 հունվարի – Sputnik. Վրաստանը հրաժարվել է ռազմական տիպի օգնություն ցուցաբերել Ուկրաինային, քանի որ չի ցանկանում ներգրավվել հակամարտության մեջ։ Տեղեկությունը հայտնում է ՏԱՍՍ-ը, հղում անելով փոխվարչապետ, մշակույթի, սպորտի և երիտասարդության նախարար Թեա Ծուլուկիանիի հայտարարությունը։
Ավելի վաղ Ուկրաինայի նախագահի աշխատակազմի խորհրդական Միխայիլ Պոդոլյակն արձագանքել էր «Բուկ» զենիթահրթիռային համալիրը Կիևին հանձնելու Վրաստանի մերժմանը: Պոդոլյակի խոսքով՝ նույնիսկ տասուկես ամիս պատերազմից հետո վրացական կառավարությունը չի հասկանում, թե ում կողմից պետք է լինի:
Լրագրողների հետ զրույցում քաղաքական գործիչը նշել է, որ իշխանությունը թույլ չի տա, որ վրացական պետությունը ներգրավվի ռազմական դիմակայության մեջ։ Այդ պատճառով երկիրը չի պատրաստվում ռազմական օգնություն ցուցաբերել մարտական գործողությունների կողմերից մեկին։
«Պատասխանը մեկն է՝ վրացական իշխանությունը թույլ չի տա, որ Վրաստան պետությունը ներգրավվի ռազմական դիմակայության մեջ։ Այդպատճառով մենք ռազմականտիպի օգնություն չենք տրամադրի ռազմական հակամարտության կողմերից ոչ մեկին, հատկապես որ, որքանինձ հայտնի է, խոսքըայնպիսի զենքի փոխանցման մասին է, որըմենք ձեռք ենքբերել, բայցդա ընդամենը դետալ է», - ասելէ Ծուլուկիանին վրացական Առաջինալիքի եթերում։
Վերջում փոխվարչապետը հավելել է, որ Վրաստանը բազմաթիվ զինված հակամարտություններ է ապրել, և իշխանության պարտականությունն է թույլ չտալ, որ դա կրկին տեղի ունենա:
Ավելի վաղ Վրաստանում Ուկրաինայի գործերի ժամանակավոր հավատարմատար Անդրեյ Կասյանովը«Եվրոպական ճշմարտության» համար հոդվածում հայտարարել էր, որ Կիևը խնդրել է Թբիլիսիին վերադարձնել «Բուկ» զենիթահրթիռային համալիրները, որոնք Վրաստանին են հանձնվել 2008 թվականի ռազմական գործողությունների ժամանակ: Սակայն Վրաստանը հրաժարվել է վերադարձնել Ուկրաինային սպառազինությունը, քանի որ 2007-ին վճարել է դրա դիմաց, ոչ թե անվճար ստացել։