«Զվարթնոցում» Լյուքսեմբուրգի Ինտերպոլի կողմից հետախուզվող է հայտնաբերվել

ԵՐԵՎԱՆ, 9 հունվարի – Sputnik. «Զվարթնոց» օդանավակայանում Լյուքսեմբուրգի Ինտերպոլի կողմից հետախուզվող է հայտնաբերվել, հայտնում է ՀՀ ոստիկանությունը։

Նշվում է, որ հունվարի 8-ին Մոսկվա-Երևան չվերթի ինքնաթիռի ժամանումից հետո «Զվարթնոց» օդանավակայանում հայտնաբերվել, ձերբակալվել և գծային բաժին է տարվել Բելառուսի քաղաքացի Ալեքսեյ Գ.-ն: Նա 2022 թ. դեկտեմբերի 22-ից Լյուքսեմբուրգի Ինտերպոլի կողմից հետախուզվում էր գողությունների և հանցավոր խմբավորմանն անդամակցելու մեղադրանքով:

Տղամարդուն հայտնաբերելու մասին հայտնել են ՀՀ-ում Ինտերպոլի ազգային բյուրոյին և դատախազությանը: