ԵՐԵՎԱՆ, 9 հունվարի – Sputnik. Ծնվել է Արցախյան 44-օրյա պատերազմում զոհված Միքայել Կորյունի Հարությունյանի եղբայրը, տեղեկանում ենք ՀՀ Արմավիրի մարզպետարանից։
Մայրիկի՝ Սիրանուշ Հովհաննիսյանի խոսքով՝ վերածնվել է զոհված Միքայելը, տունը լցվել է նրա շնչով՝ վերաիմաստավորելով ընտանիքի անդամների կյանքը:
Փոքրիկին ծնողները անվանակոչել են հենց զոհված եղբոր անունով` Միքայել:
Միքայել Կորյունի Հարությունյանը ծնվել է 2001 թվականին Էջմիածնի տարածաշրջանի Ջրառատ գյուղում։ Զինվորական ծառայություն է իրականցրել Ասկերանի զորամասում։ Զոհվել է 2020 թվականի հոկտեմբերի 11–ին։
Ծնվել է 44-օրյա պատերազմում զոհված Միքայել Հարությունյանի եղբայրը