ԵՐԵՎԱՆ, 8 հունվարի – Sputnik. Որքան երկար է ձգձգվում հակամարտությունն Ուկրաինայում, այնքան դրա բացասական հետեւանքներն արմատավորվում են ամբողջ աշխարհում, հայտարարել Է Կարմիր խաչի միջազգային կոմիտեի (ԿԽՄԿ) գլխավոր տնօրեն Ռոբերտ Մարդինին ՝ ելույթ ունենալով Շվեդիայում կայացած խորհրդաժողովում: Նրա խոսքերը մեջբերում Է ՌԻԱ Նովոստին։
Մարդինիի խոսքով ՝ Աֆրիկայի շուրջ 350 մլն բնակիչներ կամ մայրցամաքի բնակչության մեկ քառորդը տառապում են պարենի պակասից, նկատվում են էներգակիրների և պարենամթերքի գների սրընթաց բարձրացում, գնաճի ռեկորդային մակարդակ, ինչպես նաև աղքատության աճ:
«Իրավիճակը, անշուշտ, կվատթարանա, քանի որ սննդամթերքի մատակարարման համաշխարհային համակարգը խաթարվում է, բերքատվությունը դարձել է անկայուն պարարտանյութերի պակասի պատճառով»,-ասել է նա:
Կարմիր Խաչի գլխավոր տնօրենը հավելել է, որ Ուկրաինայի իրավիճակի թեման շարունակում է գերիշխել համաշխարհային ԶԼՄ-ներում ՝ միաժամանակ նշելով, որ ամբողջ աշխարհում տեղի է ունենում ավելի քան 100 զինված հակամարտություն:
«Երկարաժամկետ հումանիտար բարդ հետևանքները խիստ ազդում են առավել խոցելի մարդկանց վրա այնպիսի երկրներում, ինչպիսիք են Աֆղանստանը, Եթովպիան, Սոմալին, Եմենը, Սիրիան, որոնք արդեն տուժել են բազմամյա հակամարտություններից, կլիմայական ցնցումներից, շրջակա միջավայրի վատթարացումից և COVID-19 համավարակի սոցիալ-տնտեսական հետեւանքներից», - հայտնել Է Մարդինին:
Արևմուտքն ուժեղացրել է պատժամիջոցային ճնշումը Ռուսաստանի վրա Ուկրաինայի պատճառով, ինչը հանգեցրել է Եվրոպայում և ԱՄՆ-ում էլեկտրաէներգիայի, վառելիքի և սննդի գների աճին։ ՌԴ նախագահ Վլադիմիր Պուտինն ավելի վաղ հայտարարել էր, որ Ռուսաստանի զսպման եւ թուլացման քաղաքականությունը Արեւմուտքի երկարաժամկետ ռազմավարությունն է, իսկ պատժամիջոցները լուրջ հարված են հասցրել ամբողջ համաշխարհային տնտեսությանը: Նրա խոսքով ՝ Արևմուտքի հիմնական նպատակը միլիոնավոր մարդկանց կյանքը վատթարացնելն է ։ ՌԴ-ում բազմիցս հայտարարել են, որ Ռուսաստանը կլուծի բոլոր այն խնդիրները, որոնք Արևմուտքն է ստեղծում իր համար։