ԵՐԵՎԱՆ, 7 հունվարի – Sputnik. Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Տեղեկությունը հայտնում է ՀՀ ԱԻՆ-ը` հղում անելով Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվությանը։
Այսօր առավոտյան ԱԻՆ–ը հայտնել էր, որ Լարսը փակ է բեռնատարների համար։
Միաժամանակ նշվում է, որ ՀՀ տարածքում կան փակ ավտոճանապարհներ։ փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Սարավան-«Զանգեր» կոչվող հատվածում մառախուղ է:
Կոտայքի մարզի Չարենցավան, Եղվարդ և Հրազդան քաղաքներում ձյուն է տեղում։