ԵՐԵՎԱՆ, 5 հունվարի – Sputnik. Մեծ Բրիտանիայում նախորդ տարին ռեկորդային շոգ է եղել։ Այս մասին հայտնում է բրիտանական օդերևութաբանական ծառայությունը։
«2022 թվականը Միացյալ Թագավորությունում գրանցված ամենաշոգ տարին էր, երբ միջին տարեկան ջերմաստիճանն առաջին անգամ 10 աստիճանից բարձր էր»,- նշված է օդերևութաբանական ծառայության հայտարարության մեջ:
2022 թվականի ամռանը Մեծ Բրիտանիայում անոմալ շոգ էր։ Հուլիսի 19-ին երկրում ջերմաստիճանը գերազանցել է նախորդիվ գրանցված +38,7 աստիճան ռեկորդը և հասել +40,3 աստիճանի։