«Նախարար Չավուշօղլուն Քոենին հիշեցրել Է Պաղեստինի հարցում Թուրքիայի զգայունության ու ակնկալիքների մասին և այդ համատեքստում ընդգծել, որ Անկարան անընդունելի է համարում Իսրայելի ազգային անվտանգության նախարար Իթամար Բեն Գվիրի սադրիչ գործողությունները»,- հայտնել են Թուրքիայի արտաքին քաղաքական գերատեսչությունից:
Չավուշօղլուն ընդգծել է, որ թուրքական կողմը կարևորություն է տալիս Ալ-Աքսա մզկիթի կարգավիճակի պաշտպանությանը և ակնկալում է խուսափել ցանկացած սադրիչ գործողություններից։
Նախարարները պայմանավորվել են նաև համատեղ աշխատել երկկողմ հարաբերությունների բարելավման ուղղությամբ։
Ավելի վաղ «Jerusalem Post»-ը գրել էր, որ Իսրայելի ազգային անվտանգության նախարարը հունվարի 3-ին այցելել է Տաճարի լեռ։ Իսրայելի նախկին վարչապետ Յաիր Լապիդը նախազգուշացրել էր, որ Բեն Գվիրի նման գործողությունները լարվածություն կառաջացնեն Երուսաղեմում: