ԵՐԵՎԱՆ, 4 հունվարի – Sputnik. Երկու էկոակտիվիստ այսօր նարնջագույն ներկ են լցրել Ֆրանսիայի վարչապետի նստավայրի ճակատամասին, նրանց ձերբակալել են։ Տեղեկությունը հայտնում է «Franceinfo»-ն։
Ֆրանսիայի վարչապետի նստավայրը գտնվում է Փարիզի Մատինյոն պալատում:
Փարիզի դատախազության տվյալով` 22-ամյա տղամարդը և 20-ամյա կինը ձերբակալվել են հասարակական գույքը փչացնելու և իշխանության համար պատասխանատու անձի նկատմամբ անհարգալից վերաբերմունք դրսևորելու համար:
Ըստ տեղեկությունների` ակտիվիստներն իրենց գործողություններով ցանկացել են դժգոհություն հայտնել կլիմայի փոփոխության դեմ պայքարում Ֆրանսիայի կառավարության ձեռնարկած ոչ բավարար միջոցների կապակցությամբ: