ԵՐԵՎԱՆ, 3 հունվարի– Sputnik. Երևանում Ամանորի գիշերը թալանել են երգչուհի Սոնա Շահգելդյանին։ Տեղեկությունը հայտնում է shamshyan.com-ը։
«Դեկտեմբերի 31-ին Շահգելդյանը ահազանգել է ՀՀ ոստիկանության օպերատիվ կառավարման կենտրոն և հայտնել, որ նույն օրը` ժամը 01։30-ից մինչև 13։00-ն ընկած ժամանակահատվածում, անհայտ անձը կամ անձինք Վ․ Համբարձումյան փողոցի շենքերից մեկի բակում կոտրել են իրեն պատկանող NIssan մակնիշի ավտոմեքենայի դռան ապակին և սրահից հափշտակել այնտեղ եղած գումարը»,–գրում է կայքը։
Դեպքի փաստով՝ Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնում նախաձեռնվել է քրեական վարույթ։
Հափշտակված գումարի չափը պարզվում է։