ԵՐԵՎԱՆ, 30 դեկտեմբերի – Sputnik. ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը պարգևատրվել է «Եվրասիական տնտեսական միության զարգացման գործում ավանդի համար» մեդալով: Տեղեկությունը հայտնում է ՀՀ տարածքային կառավարման և ենթակառուցվածքների նախարարությունը։
Սիմոնյանը նման պարգևի է արժանացել Եվրասիական տնտեսական բարձրագույն խորհուրդի որոշմամբ ԵԱՏՄ զարգացման գործում նշանակալի ներդրում ունենալու համար։
Միաժամանակ, ԵՏՄ կայքից տեղեկանում ենք, որ նույն մեդալին են արժանացել նաև փոխվարչապետ Մհեր Գրիգորյանը, Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով կոլեգիայի անդամ Արտակ Քամալյանը, ԵՏՀ ինտեգրման զարգացման վարչության տնօրեն Գոհար Բարսեղյանը, ԵՏՀ ներքին շուկաների, տեղեկատվական-հաղորդակցական տեխնոլոգիաների հարցերով կոլեգիայի անդամ Վարոս Սիմոնյանը, ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը, ԵՏՀ տեխնիկական կարգավորման և հավատարմագրման վարչության տնօրենի տեղակալ Լիլի Մաքսուդյանը, ԵՏՀ ներքին շուկաների, տեղեկատվական-հաղորդակցական տեխնոլոգիաների հարցերով կոլեգիայի անդամի օգնական Դավիթ Եսայանը։
«ԵԱՏՄ զարգացման գործում ավանդի համար» պարգևատրվել են Հայաստանի ներկայացուցիչները
ԵՏՀ կոլեգիայի նախագահ Միխայիլ Մյասնիկովիչի կողմից Եվրասիական տնտեսական հանձնաժողովի կրծքանշանով պարգևատրվել է նաև ՀՀ փոխվարչապետի խորհրդական Ռուզաննա Վարդանյանը։