ԵՐԵՎԱՆ, 28 դեկտեմբերի – Sputnik. Ընդդիմության գործողություններն այս տարի չեն հասել իրենց նպատակին։ Այսօր ամփոփիչ ասուլիսի ժամանակ հայտարարեց ՀՀԿ փոխնախագահ Արմեն Աշոտյանը։
«Պրոցեսը գնում է, բայց արդյունքը դեռևս չկա։ Պրոցեսը պահելու համար կեցցեն բոլոր այն տասնյակհազարավոր մարդիկ, որոնք պահել են, որ խարույկը չմարի։ Սակայն փաստը մնում է փաստ»,–ասաց Աշոտյանը։
Նրա խոսքով` 2022-ը չվերականգնված արդարության, շարունակվող ցավի ու նոր կորուստների տարի էր. այս պահի դրությամբ՝ 2022 թվականին 265 զոհ ունենք՝ մարտական ու ոչ մարտական պայմաններում, 140-160 քկմ տարածքային կորուստ։