ԵՐԵՎԱՆ, 28 դեկտեմբերի - Sputnik. Այսօր ՀՖՖ գրասենյակում կայացել է ՀՖՖ 23-րդ հերթական ժողովը, հայտնում են ֆեդերացիայի մամուլի ծառայությունից։
Օրակարգի հաստատումից հետո ուղերձով հանդես է եկել ՀՖՖ նախագահ Արմեն Մելիքբեկյանը:
Հաստատվել է ՀՖՖ 2023 թվականի ֆինանսական տարվա բյուջեն, և հայտարարվել է ՀՖՖ գործադիր կոմիտեի անդամների ընտրություն:
ՀՖՖ կանոնադրության 37-րդ կետի 1-ին ենթակետի համաձայն՝ գործադիր կոմիտեի անդամներից առնվազն երեքը պետք է կին լինեն, ուստի հաշվի առնելով այն հանգամանքը, որ առաջադրվել են միայն 3 կին թեկնածուներ՝ Հասմիկ Ղարիբյանը, Գոհար Նավասարդյանը և Քնարիկ Գրիգորյանը, վերջիններս առանց քվեարկության ընդգրկվել են գործկոմի կազմում:
Այնուհետև տեղի ունեցած քվեարկության արդյունքում ՀՖՖ գործադիր կոմիտեի անդամներ են ընտրվել.
Անդրանիկ Ադամյանը
Վլադիկ Առաքելյանը
Տիգրան Ղարաբաղցյանը
Բագրատ Նավոյանը
Արմեն Նիկողոսյանը
Կարեն Շաբոյանը
Արթուր Սահակյանը
Դավիթ Սարգսյանը
Տիգրան Վիրաբյանը
Ժողովի վերջում ՀՖՖ Գործադիր կոմիտեի նորընտիր անդամների կազմից ՀՖՖ փոխնախագահ է ընտրվել Արմեն Նիկողոսյանը: