ԵՐԵՎԱՆ, 26 դեկտեմբերի - Sputnik. 2022 թվականը բարդ տարի էր, բայց ԱՊՀ երկրները շարունակել են ամրապնդել համագործակցության ներուժը։ Այս մասին Ղազախստանի նախագահ Կասիմ–Ժոմարտ Տոկաևն ասել է ԱՊՀ երկրների ղեկավարների ոչ պաշտոնական հանդիպման ժամանակ։
«Անցնող տարին ամբողջ համաշխարհային հանրության համար բարդ էր, և այդ պայմաններում ԱՊՀ–ում իր նախագահության շրջանակներում Ղազախստանը մի շարք կոնկրետ միջոցներ է ձեռնարկել համագործակցության ներուժի ամրապնդման համար»,– ասաց Տոկաևը։
Ղազախստանի նախագահի խոսքով` տարվա ընթացքում անցկացվել է ավելի քան 80 խոշոր միջոցառում, իրականացվել են բազմաթիվ նախաձեռնություններ, որոնք ուղղված են եղել տնտեսական համագործակցության ընդլայնմանը, սերտ հումանիտար կապերի պահպանմանը, կազմակերպության հեղինակության ամրապնդմանը։
Նա նաև հավելեց, որ համատեղ ջանքերն արտացոլվել են հոկտեմբերին Աստանայի գագաթնաժողովի արդյունքների վերաբերյալ փաստաթղթերում։