ԵՐԵՎԱՆ, 26 դեկտեմբերի – Sputnik. Եվրասիական միությունում գործազրկությունը 2022 թվականի 9 ամսում կրճատվել է 18 տոկոսով և այժմ կազմում է մոտ 1 տոկոս։ Այս մասին Եվրասիական փորձագիտական ակումբի՝ Երևանում կայացածնիստում հայտարարեց Հայաստանում Ռուսաստանի դեսպանատան խորհրդական-դեսպանորդ Մաքսիմ Սելեզնյովը։
ԵԱՏՄ-ում գյուղատնտեսական արտադրանքի արտադրության աճը կազմել է 5,4 տոկոս, իսկ կապիտալ ներդրումների ծավալը՝ ավելի քան 6 տոկոս:
Սելեզնյովի խոսքով՝ դա վկայում է եվրասիական տարածքում ինտեգրման ամրապնդման մասին և ցույց տալիս համագործակցության հեռանկարները։
Նշենք, որ Հայաստանում 2022 թվականի հոկտեմբերի արդյունքներով (վերջին 12 ամսվա ընթացքում) պաշտոնապես գրանցված գործազուրկների թիվը նվազել է՝ մոտ 59 հազարից հասնելով շուրջ 51 հազարի։