ԵՐԵՎԱՆ, 25 դեկտեմբերի - Sputnik. Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Տաթև-Վերին Խոտանան ճանապարհահատվածը բեռնատարների համար փակ է, մարդատարների համար՝ բաց:
Գորիս-Սիսիան ավտոճանապարհին տեղ-տեղ առկա է մերկասառույց, մառախուղ է։ Մառախուղ է նաև Սյունիքի մարզի բարձրադիր գոտիներում:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Հավելենք, որ Տաթև-Վերին Խոտանան ճանապարհը Հայաստան-Իրան միջպետական ճանապարհի մի հատվածն է։