ԵՐԵՎԱՆ, 22 դեկտեմբերի – Sputnik. Տարածաշրջանի հոգևոր առաջնորդները ջանքեր են ներդնում հակամարտության հանգուցալուծման և ազգերի միջև խաղաղության հաստատման գործում։ «Կրոններնազգերի խաղաղ համագոյակցության երաշխիք» խորագրով համաժողովի բանախոսներին ընդունելով` այս մասին ասել է Ամենայն հայոց կաթողիկոս Գարեգին Երկրորդը։ Տեղեկությունը հայտնում է Մայր Աթոռի մամուլի ծառայությունը։
Նշվում է, որ Գարեգին Բ–ն ընդունել է նաև ՀՀ-ում Իրանի դեսպան Աբբաս Բադախշան Զոհուրիին:
Հանդիպմանն անդրադառնալով աշխարհում տիրող բարդ իրավիճակին և առկա հակամարտություններին՝ Գարեգին Բ-ն հորդորել է ականջալուր լինել խաղաղության կոչին, որը հնչելու է բոլոր քրիստոնեկան եկեղեցիների խորաններից առաջիկա Սուրբ ծննդյան տոնին․ «Փա՜ռք Աստծուն՝ բարձունքներում, և երկրի վրա խաղաղութուն և հաճութո՜ւն՝ մարդկանց մեջ» (Ղուկ․ Գ,14․)։
Գարեգին Բ–ն ընդգծել է, որ նմանօրինակ համաժողովներն ու միջկրոնական երկխոսություններն իրենց նպաստն են բերում ազգերի միջև խաղաղության հաստատման ու ամրապնդման միջավայրի ձևավորմանը։
Վերջինիս վառ վկայությունը, ըստ Գարեգին Բ-ի, 2 հարևան ժողովուրդների համերաշխ գոյակցության և փոխհարաբերությունների բազմադարյա պատմական փորձն է։