ԵՐԵՎԱՆ, 22 դեկտեմբերի – Sputnik. Սյունիքի մարզի ավտոճանապարհներին տեղ-տեղ մերկասառույց է, տեղեկությունը հայտնում է ԱԻՆ-ը` մանրամասնելով, թե ինչ իրավիճակ է ՀՀ ավտոճանապարհներին։
«ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձրլեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները»,–ասված է հաղորդագրության մեջ։
Ինչ վերաբերում է Լարսին, ապա Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
ԱԻՆ–ը վարորդներին խորհուրդ է տալիս երթևեկել բացառապես ձմեռային անվադողերով։