ԵՐԵՎԱՆ, 22 դեկտեմբերի – Sputnik. ՆԱՍԱ–ի InSight սարքը դադարել է կապի դուրս գալ։ Այս մասին հայտնում է գործակալությունը։ Սարքի հզորության մակարդակը դրա արևային պանելների վրա նստող փոշու պատճառով մի քանի ամսվա ընթացքում նվազել էր։
Կալիֆոռնիայի ռեակտիվ շարժման լաբորատորիայի դիսպետչերները գիտեին, որ վերջը մոտ է, և ահա InSight–ը անսպասելի սկսել է չպատասխանել Երկրից գնացող հաղորդագրություններին։
«Ենթադրվում է, որ InSight–ը ավարտել է իր գործունեությունը», – հայտնել է ՆԱՍԱ–ն։
Սարքից վերջին հաղորդագրությունները ստացվել են մեկ շաբաթ առաջ։ Թիմը շարունակելու է փորձել կապ հաստատել InSight–ի հետ։
InSight–ը Մարսի վրա վայրէջք կատարեց 2018 թվականին և դարձավ առաջին տիեզերանավը, որը արձանագրեց Մարսի շարժը։ Իր երկրաշարժաչափի օգնությամբ այն ավելի քան 1300 Մարսի շարժ արձանագրեց, այդ թվում` մի քանիսը` մետեորոիդների հարվածներով պայմանավորված։
Նախորդ շաբաթ գիտնականները հայտնեցին, որ InSight–ը ևս մեկ հաջողություն է ունեցել` Մարսի փոշու «սատանային» արձանագրելով ոչ միայն լուսանկարների վրա, այլև աուդիոձայնագրության միջոցով։ Երջանիկ պատահականությամբ 2021 թվականին փոշու մրրիկային քուլան անցել էր անմիջապես սարքի վրայով, երբ բարձրախոսը միացված էր։
Սակայն սարքի մեկ այլ` գլխավոր մասերից մեկը խնդիրների էր բախվել։ Մարսի ընդերքի ջերմաստիճանը չափող գերմանական սարքը երբեք կես մետրից ավել չէր «սուզվում», ինչը զգալիորեն քիչ է նախատեսված 5 մետրից։ ՆԱՍԱ–ն նրա շարքից դուրս գալու մասին հայտարարեց երկու տարի առաջ։
ՆԱՍԱ–ն Մարսի վրա դեռ երկու ակտիվ մարսագնացներ ունի. Curiosity–ը, որը այնտեղ է 2012 թվականից և Perseverance–ը, որն այնտեղ է նախորդ տարեսկզբից։
Perseverance–ն նմուշների պահեստարանի ստեղծման գործընթացում է։ Խնդիրը որպես պահուստային նմուշ հանքատեսակներով 10 փորձանմուշները Մարսի վրա թողնելն է։ ՆԱՍԱ–ն նախատեսում է այդ նմուշներից մի քանիսը Երկիր հասցնել։
Perseverance–ը ևս արբանյակ ունի, այն Ingenuity անունը կրող փոքր ուղղաթիռ է, որը վերջերս է կատարել իր 37-րդ թռիչքը։