Empire ամսագիրը հավակնոտ գաղափար է իրագործել և անցնող տարվա լավագույն դերասանների վարկանիշի փոխարեն կազմել է կինեմատոգրաֆի ողջ պատմության մեծագույն դերասանների ընտրանին: Ընդ որում, «լավագույններին» ընտրել են պարբերականի ընթերցողները։ Նրանք քվեարկել են այն կինոաստղերի օգտին, ովքեր, իրենց կարծիքով, «միշտ հաջողության են հասնում» և անզուգական տաղանդ ունեն։
Հրատարակիչները պարզաբանել են, որ դա դասական իմաստով վարկանիշային ցանկ չէ, քանի որ դերասանները դասավորված են պատահական կարգով։