Արմեն Նուրբեկյանն ընտրվեց Կենտրոնական բանկի նախագահի տեղակալ

ԵՐԵՎԱՆ, 21 դեկտեմբերի – Sputnik. Արմեն Նուրբեկյանն ընտրվեց Կենտրոնական բանկի նախագահի տեղակալ: Նրա թեկնածությունն առաջադրել է խորհրդարանական մեծամասնությունը` ՔՊ–ն։

Քվեարկությանը մասնակցել է 76 պատգամավոր։ Նրանցից 70–ը քվեարկել են Նուրբեկյանի օգտին։ Դեմ են եղել 6–ը։

Արմեն Նուրբեկյանը մի քանի տարի ղեկավարում էր Կենտրոնական բանկի մակրոտնտեսական դեպարտամենտը և Դիլիջանում ԿԲ ուսումնահետազոտական կենտրոնը: