Ապարան-Երևան ճանապարհին մեքենայում հայտնաբերված ոչ սպանդանոցային միսը կոչնչացվի

ԵՐԵՎԱՆ, 20 դեկտեմբերի – Sputnik. ՀՀ սննդամթերքի անվտանգության տեսչական մարմնի աշխատակիցները Արագածոտնի մարզի Ապարան-Երևան ավտոճանապարհին մեքենայում հայտնաբերել են 9 գլուխ տավարի մսեղիք` 1200 կգ քաշով, որը տեղափոխվում էր առանց անասնաբուժական 5-րդ ձևի ուղեկցության: Տեղեկությունը հայտնում է ՀՀ սննդամթերքի անվտանգության տեսչական մարմնի մամուլի ծառայությունը։

ՍԱՏՄ աշխատակիցները կանխել են մեծ քանակությամբ ոչ սպանդանոցային ծագման մսի տեղափոխումը դեպի իրացման ցանց:

Տեսուչը արձանագրություն է կազմել տեղափոխող անձի վերաբերյալ, որը կենթարկվի վարչական պատասխանատվության:

Հայտնաբերված մսեղիքն օգտահանելու կամ ոչնչացնելու մասին կարգադրագիր է տրվել: